Video
Read full review
2023-01-05
51 views
為咗趕住去紅磡睇陳奕迅演唱會，就急急腳喺K11 Musea的地庫食堂，挑選這一家帶有廣東菜、東南亞菜式嘅小餐廳，而且剛好附近有位呀！愛玩小生二人同行，點咗兩款餐點。首先先介紹海鮮叻沙湯麵，這家的煮法是傳統嘅咖哩叻沙，即係盛行於大馬南部、新加坡和泰國等地個一種。雖然湯麵比較多油，但海鮮配料非常充足。青口有兩隻、亦有大大隻海蝦、湯底非常濃郁，是一碗兼具甜、鹹且微辣的濃濃南洋味湯麵，搭配油豆腐、豆芽菜、雞肉，非常飽肚呀！另一個餐點，就是吉隆坡海南雞飯，望落賣相好靚，同埋份量都幾大碟。呢碟菜式用咗正宗吉隆坡出產嘅黃油雞，雞皮爽口、雞肉嫩滑、肥瘦適中、皮薄肉滑，而且冇乜骨啖啖肉，真係無得頂。重口味嘅朋友，不妨試吓配埋暖暖嘅自家特色秘製辣醬，酸中帶點辣，好特別。另外仲跟埋黑醬油同薑蓉，又係另一番風味。此外，食海南雞最緊要係配埋雞油飯，雞油飯香而不膩，米飯粒粒分明，相當高質。味道唔算差，而且製作非常快，啱晒趕時間嘅朋友呀！YumMee 喫麵地址：尖沙咀 K11 Musea B2樓 Food Playground
愛玩小生二人同行，點咗兩款餐點。
首先先介紹海鮮叻沙湯麵，這家的煮法是傳統嘅
咖哩叻沙，即係盛行於大馬南部、新加坡和泰國等地個一種。雖然湯麵比較多油，但海鮮配料非常充足。青口有兩隻、亦有大大隻海蝦、湯底非常濃郁，是一碗兼具甜、鹹且微辣的濃濃南洋味湯麵，搭配油豆腐、豆芽菜、雞肉，非常飽肚呀！
另一個餐點，就是吉隆坡海南雞飯，望落賣相好靚，同埋份量都幾大碟。呢碟菜式用咗正宗吉隆坡出產嘅黃油雞，雞皮爽口、雞肉嫩滑、肥瘦適中、皮薄肉滑，而且冇乜骨啖啖肉，真係無得頂。重口味嘅朋友，不妨試吓配埋暖暖嘅自家特色秘製辣醬，酸中帶點辣，好特別。另外仲跟埋黑醬油同薑蓉，又係另一番風味。此外，食海南雞最緊要係配埋雞油飯，雞油飯香而不膩，米飯粒粒分明，相當高質。
味道唔算差，而且製作非常快，啱晒趕時間嘅朋友呀！
YumMee 喫麵
地址：尖沙咀 K11 Musea B2樓 Food Playground
Post
