鳴越越式料理

Open Now

Now Closed

果日放左工同朋友仔要快快趣食完野上堂 近上環行過呢間越南野 又就腳 就落去Basement 試下。嘩 地勞開 可以咁大間 不過可能放工時份 冇乜人食野。大把卡位。於是行埋去坐低 忽然比人叫停左。「果便滴水呀 坐呢便啦。」幾好禮貌。招呼我地坐之後，我地話趕時間，可吾可以快啲上餐。服務員都帶住笑容話 冇問題。我地好快咁點左生牛肉河粉 同埋蝦餅拼扎肉撈檬 飲柑吉青檸梳打 同 咸檸七 全部走冰。真係好快上餐，仲鬼咁大碗。食完埋單一個仙貼士都吾洗比。真係快靚正最緊要係啲食物都幾好味，冇味精，吾錯！