Video
Read full review
2022-10-07
58 views
睇完食評幾吸引，就嚟試下120分鐘任食頭盤麻辣雞煲/酸菜魚/蜆煲/芝士雞煲，四選一，揀完即到…..同時有盤好大嘅牛擺埋上枱不過無人講解原來唔使食晒雞煲先可以開始打邊爐，聽話嘅小朋友，一齊努力望住盤牛食雞，諗住食完先可以開始邊爐…..無啦啦伙記問咩湯底，我哋話未食完煲雞，佢話擺埋一邊，可以開始邊爐😒早講啦！時間飛逝，邊爐到啦！自助櫃攞菜，職員話應該用枱上面個黑色筒攞菜？（我哋同隔離枱，都同時以為枱上面黑色鐵筒係用嚟裝骨嘅筒）你又無人介紹，同埋自助櫃又擺d碗係到喎⋯⋯眼見枱枱都錯晒！邊爐個冬瓜仲煮緊，食物都未齊，突然收到last order通知！吓！啱啱先開始邊爐，咁快last order! 嗱嗱淋，係咁烚！隔一陣又話得返唔知幾多分鐘，生食都夾唔切入口啦⋯⋯未熟！食餐飯，不停有伙記報時，好似考緊試咁feel🥵其實佢個場得三份一客！又好早last order咗，嗺嚟做咩呢！食物食唔切好浪費！食到夠鐘，唔想浪費，向伙記申請食埋少少唔好嘥，佢唔多情願咁批准左，叫我哋盡快啦！…….10分鐘後……又出現話俾多左10分鐘啦！仲唔還枱收加時費！朋友擺緊入口粒牛丸都唔敢食，即刻擺底！😢對唔住呀！牛丸！😢其
頭盤麻辣雞煲/酸菜魚/蜆煲/芝士雞煲，四選一，揀完即到…..同時有盤好大嘅牛擺埋上枱
不過無人講解原來唔使食晒雞煲先可以開始打邊爐，聽話嘅小朋友，一齊努力望住盤牛食雞，諗住食完先可以開始邊爐…..
無啦啦伙記問咩湯底，我哋話未食完煲雞，佢話擺埋一邊，可以開始邊爐😒早講啦！
時間飛逝，邊爐到啦！自助櫃攞菜，職員話應該用枱上面個黑色筒攞菜？（我哋同隔離枱，都同時以為枱上面黑色鐵筒係用嚟裝骨嘅筒）你又無人介紹，同埋自助櫃又擺d碗係到喎⋯⋯眼見枱枱都錯晒！
邊爐個冬瓜仲煮緊，食物都未齊，突然收到last order通知！吓！啱啱先開始邊爐，咁快last order! 嗱嗱淋，係咁烚！隔一陣又話得返唔知幾多分鐘，生食都夾唔切入口啦⋯⋯未熟！
食餐飯，不停有伙記報時，好似考緊試咁feel🥵其實佢個場得三份一客！又好早last order咗，嗺嚟做咩呢！食物食唔切好浪費！
食到夠鐘，唔想浪費，向伙記申請食埋少少唔好嘥，佢唔多情願咁批准左，叫我哋盡快啦！…….10分鐘後……又出現話俾多左10分鐘啦！仲唔還枱收加時費！朋友擺緊入口粒牛丸都唔敢食，即刻擺底！😢對唔住呀！牛丸！😢
其實食物質素唔差嘅，食唔切浪費。不過好似被追殺嘅120分鐘過得實在太趕啦！無下次！
評唔到甜品……因為食唔切🤣
Post
