Wish You A Mamaday

Open Now

Now Closed

餐廳位於駱克道, 裝修幾有心思, 裝飾擺設生動活潑, 充滿創意, 地方寬敞舒適。餐牌設計有特色, 食品款式衆多, 以供選擇。午餐包括餐湯或沙律, 可加錢配特色飲品和甜品。餐湯蕃茄煙肉湯, 濃郁蕃茄湯有鹹香煙肉, 口感順滑, 沙律蔬好新鮮, 還有石榴和藍莓。意式蕃茄牛柳粒扁意粉牛柳粒腍滑, 甜酸意式蕃茄夠醒胃, 扁意粉爽彈有嚼口。燒汁豬軟骨蛋包飯豬軟骨腍滑鬆化, 滑蛋包著鹹味飯粒, 口感豐富。英國熟成28天西冷賣相精緻吸引, 五成熟火候啱啱好, 肉質嫩滑, 配菜豐富,有外國品種翠玉瓜, 甘筍, 露筍, 鮮菜沙律, 配以特別調制醬汁, 炸番薯餅鬆脆香甜又滑。甜品是熱情果芝士蛋糕和紐約芝士蛋糕, 芝士幼滑可口, 餅底酥甜。蜂蜜紅茶輕甜有蜜味和茶香, 怡神潤喉。