Mamaday (Moved) New Location

喺尖沙咀逛完街, 搵間餐廳食吓嘢, OMG Mamaday位於加連威老道, 裝飾既趣怪又有特色, 餐牌同樣好有創意。餐廳地方闊落, 環境舒適。有GO又有蟹肉嘅蟹蟹意大利扁面賣相幾精緻, 兩隻蟹鉗加上蟹肉和蟹籽, 鋪在意大利扁面上, 蟹肉幾鮮甜, 加上蟹籽卜卜脆嘅口感, 意大利扁面煙韌彈牙。辣架傻豬豬豬頸肉泰式肉碎日本蛋包飯豬頸肉相當嫩滑, 肉汁豐富有質感, 蛋包飯充滿蛋香, 包著惹味嘅肉碎, 飯粒香滑。唔甜的紫薯蛋糕味道真係唔甜, 充滿紫薯清香, 蛋糕好幼滑。焦糖脆脆窩夫窩夫有四件, 份量都幾多, 熱辣辣香噴噴, 加上甜香惹味嘅焦糖脆脆和香滑雪糕, 口感好有層次。你今日飲咗益力多柚子沙冰未呀乳酸香味加上柚子果味, 冰冰涼涼好清爽。焦糖脆脆沙冰啖啖焦香脆口嘅冰涼沙冰, 解渴潤喉。