Hello Kitty 中菜軒 (Closed)

小妹並唔係hello kitty 忠粉，但知道佐敦哩間hello kitty好多名人捧場。小妹放左工就約左中同一齊試下。小妹覺得中菜軒俾人感覺乾淨舒服，就算唔係中意吉蒂貓，平時飲下菜歇下腳都好正啦。小妹覺得牆上畫好盞鬼，有吉蒂貓中國服既肖像，幾得意！椅子同餐具都好特別地印上吉蒂貓樣。好sweet，冧死黎到既女仔呀！❤️❤️👄平時飲茶小妹都會洗茶具，但係見哩度咁乾淨，小妹都無洗到茶具，餐廳內有個大吉蒂貓公仔。餐牌當然充滿左吉蒂樣。小妹叫左飲茶必吃蝦餃，馬拉糕，奶黃飽。其實小妹都係想一看吉蒂樣的點心啫。少女心即刻返哂黎！點心整得妹精緻好cutecute呀！（大叫）睇得出茶樓既心思！唔好以為點心就係得個樣呀。因為小妹食左幾件已經覺得好飽！個餡都足料，蝦餃有一隻蝦！☺️😊小妹仲叫左糯米飯，廚師加左辣椒去整，整得好香口有口感！環境咁好！小妹覺得最岩同兩三姐妹飲啖茶食個飽！夠吹一日水！