胡蝶 • 泰

Open Now

Now Closed

今日同朋友係尖沙咀行街，晚餐想食泰國野，上網search搵左呢間，上樓睇環境ok,就決定係呢度食。呢度天花板用左啲竹藤編織左啲裝飾，又擺左啲植物，令環境有泰國餐廳既感覺。空間都算寬敞，加上我地好早黎，可以揀下位。我地前菜叫左芒果軟殼蟹米紙卷，豬牛串燒，主菜叫左紅咖哩羊膝配手抓餅。米紙卷每個入面都有芒果同軟殼蟹，可以食到炸物既同時，又有fresh既感覺,不錯。串燒個塊肉都幾大塊，而且無咩肥肉，唔會好似平時啲串燒，總有一兩塊全肥唔食得，講真，我地兩個人食到一半已經有少少飽，呢度既份量好足料。最後食紅咖哩羊膝。呢個係meau 無，係店員介紹由羊架轉羊膝，要加10蚊。我地無所謂就轉左。同樣，呢個份量都幾多，幾多羊肉，配手抓餅都幾好味。羊肉再有配完粒洋蔥同薯仔。有啲蔬菜類，唔會淨係肉咁食得咁辛苦。整體黎講都幾推介呢間。如果多人食，份量非常足夠。店員服務都好好。