利寶閣 (Closed)

事緣之前去利寶閣食左個足料佛跳牆，屋企人經常提起話想再去食返😆所以便帶了媽咪來尖沙咀的分店食飯～😬😬餐廳佈置到好似皇宮咁精美，差點以為去了喜宴😅睇到海報先知原來個叉燒飯+佛跳牆套餐只在晚市供應喔！好彩來得合時😬不過午市都有配豐料老火湯～鮑魚餐都只係$200/位😮😮另外仲有匯豐信用卡優惠套餐，我地當然即時善用啦😆😆佛跳牆！同之前食一樣咁足料！😻😻材料有 花膠、雞腳、遼參、魚翅，鮑魚、瑤柱、花菰、蹄根⋯👍🏻真係數都數唔哂。重點係小小一盅，味道卻鮮甜無比！叉燒飯個飯今次就一般，可能放涼了！半肥瘦既谷飼豚肉食落都富油香！小食都係有叉燒😂😂仲有海蜇、雲耳六頭鮮飽魚扣海參 鮑魚口感軟腍易咬，咬落去有少少黏牙質感不過略嫌湯汁太濃味，蓋過鮑魚本身的鮮味了。而海參不算好厚身，幸好夠彈牙滑爽口牛油焗大虎蝦 蝦肉大大隻，肉質夠爽，新鮮又有牛油香籠仔蒸雞飯估唔到份量都幾多底下既飯吸收了雞汁同冬菇的精華，好香！最後食埋個脆麻花做甜點，好飽好豐富的一餐！我地食左咁多野，每人都只是三百多，間中來食餐都好滿足喇！