Pickabowl (D2 Place ONE)

Open Now

Now Closed

餐餐都大魚大肉，有時都想清清地等身體可以休息下 🙈 其實我都幾鍾意食夏威夷蓋飯，營養均衡之餘配搭又千變萬化 😍 之前都有去過 Pickabowl，佢配搭嘅選擇好多 😆 大大 bowl 好滿足之餘，仲一 d 都唔覺得 heavy 🙌🏻今次我就揀左煙燻油辣味吞拿魚、慢煮天多利雞同埋西班牙蒜油熟蝦作為蛋白質嘅選擇～ 吞拿魚夠辣、雞夠香口，蝦夠彈牙，每一啖都好滿足 🤤 配菜我就揀左蛋黃配菜，入面有菠蘿、青瓜、蟹籽同埋蛋黃醬 😍 青瓜爽甜加埋酸酸甜甜嘅菠蘿，勁 fresh 同開胃 🙌🏻 Base 我就揀左黃薑椰菜花，黃薑味唔會太嗆口，飽肚之餘都唔會好滯 👍🏻朋友就同我一樣揀左蛋黃配菜同埋煙燻油辣味吞拿魚，不過其他配料佢就揀左加州三文魚同埋香草芥末大蝦，佢地 d 蝦真係好食 😍 另外佢個 base 係烏，暖暖地撈埋一齊好暖胃 👍🏻我地另外再加左個綠妍茉莉花茶，係佢地自家嘅天然泡茶系列，可以幫助消化 😆 茶味甘濃，超香茉莉花，好解渴 💕如果有選擇困難，唔知點配搭好，佢地都有一 d 預設左嘅組合～ 蛋白質、配菜同 base 可以做到好多唔同組合，真係食多幾次都唔會悶 🙈