Video
Read full review
2012-07-05
274 views
已經唔係第一次食鹿鳴春，但係今次係第一次同老爺奶奶黎呢度慶祝父親節～ 明知訂位困難，預早成個月落booking，點知夜晚都已經full哂！好在老爺想食午食～6個人準時到，一坐低就有位！食飯之前，老爺已經講明想試雞燉翅、北京填鴨同埋河蝦仁，所以我地叫左個午巿套餐，然後再額外叫個細size雞燉翅！第一道上的係賽螃蟹，滑溜又香口，但唔會油淋淋，正！跟手黎埋個白切肉粉皮，睇落白雪雪冇咩吸引力，但其實好考師傅刀功，豬肉切到透薄均勻，配埋佢個醬汁，好夾！清炒河蝦仁係一道好簡單的菜式，但係一食就知用料靚唔靚，而鹿鳴春的確係整得夠哂爽口彈牙，令人滿意～好快就到雞燉翅上場。咦，又話細份？原來細份都已經好大份！每人有2大碗，老爺仲一個人食左3碗添！雞湯清甜味美，仲要啖啖翅，去飲宴都食唔到咁靚的排翅囉！成大梳翅響度，仲要吸哂D湯汁，你話正唔正？食完等左一陣，另一主角北京填鴨終於登場！由於父親節人多擠逼，我地冇機會近距離欣賞師傅點樣片D鴨皮出黎，不過都唔緊要啦，最緊要係好味～唔駛多講，D片皮鴨好快已經畀人夾左大半，皆因佢D鴨烤完都保留好多肉汁，而且肥瘦適中好易入口，醬料唔會太過死鹹，呢樣都要加分～食完雞燉翅同
食飯之前，老爺已經講明想試雞燉翅、北京填鴨同埋河蝦仁，所以我地叫左個午巿套餐，然後再額外叫個細size雞燉翅！
第一道上的係賽螃蟹，滑溜又香口，但唔會油淋淋，正！跟手黎埋個白切肉粉皮，睇落白雪雪冇咩吸引力，但其實好考師傅刀功，豬肉切到透薄均勻，配埋佢個醬汁，好夾！
清炒河蝦仁係一道好簡單的菜式，但係一食就知用料靚唔靚，而鹿鳴春的確係整得夠哂爽口彈牙，令人滿意～
好快就到雞燉翅上場。咦，又話細份？原來細份都已經好大份！每人有2大碗，老爺仲一個人食左3碗添！雞湯清甜味美，仲要啖啖翅，去飲宴都食唔到咁靚的排翅囉！
成大梳翅響度，仲要吸哂D湯汁，你話正唔正？
食完等左一陣，另一主角北京填鴨終於登場！由於父親節人多擠逼，我地冇機會近距離欣賞師傅點樣片D鴨皮出黎，不過都唔緊要啦，最緊要係好味～
唔駛多講，D片皮鴨好快已經畀人夾左大半，皆因佢D鴨烤完都保留好多肉汁，而且肥瘦適中好易入口，醬料唔會太過死鹹，呢樣都要加分～
食完雞燉翅同埋北京填鴨，都有D飽滯，生菜包清清地就最岩～有樣野我覺得一定要讚下，有一次得3個人去食飯，人太少叫唔到好多野，侍應就提議我地一鴨兩味；今次因為叫套餐之餘加左個翅，咁岩套餐裡面有湯，侍應又提議將個湯轉做小菜，以免飲到一肚水。其實呢D“溫馨小提示”好有用同埋帶畀人好印象，好過大把食肆D後生仔女郁D就黑面！
而且鹿鳴春D餸菜全部都足料好味，唔會得細細份或者慳住D料畀你，物有所值，咁我先至有信心再黎幫襯嘛！
係有一樣野唔係咁好，就係當日太多細路在附近枱，仲要係咁尖叫，都幾影響我地傾偈！所以環境方面扣少少分。不過我都明白唔係店家可以控制的問題，我都會繼續搵機會幫襯的！
Post
