利寶閣 (Closed)

同屋企人食飯黎黎去去都係中菜，今日就帶佢地黎大角咀試下利寶閣。位於奧海城二期，舖位較入唔易見到，要刻意過去。舖面唔算特別大，一眼睇哂。店員服務唔錯，跟得幾足。MENU好多選擇，價錢中等。______________________________🔸 豚肉叉燒飯 配 原盅極品佛跳牆 (1位) 每份$188佛跳牆材料非常豐富，十分足料！有鮑魚、魚翅、花膠、豬肉、冬菇，基本上要有既食材都有齊。原盅燉的確原汁原味，好正！豚肉叉燒飯賣相不錯！叉燒成舊上，燒得好juicy，保留到肉既濕度。加上太陽蛋蛋汁同少少特製豉油撈飯，唔覺唔覺就會食哂成碗。🔸 蠔皇花膠扒 (1位) $88絕對多於一人份量，兩個人share黎食都得。花膠好太舊，炆得軟腍腍。加個蠔皇芡汁做搭配，味道不會蓋掉主角。女仔可以補充下骨膠原，養下顏。🔸 鮑魚炆雞煲 $188來身以為好似小菜羊腩煲咁大，點知黎左個打邊爐咁大既雞煲！店員介紹下，原來煲入面有一隻兩斤重既雞。仲加入左少少腩肉同洋蔥，好香口。鮑魚屬迷你SIZE，勝在量夠多。🔸 脆麻花而加好少酒樓仲有做依樣小點，有得食好surprise！脆麻花炸至金黃色，好香，非常酥脆，仲帶