車輪餅小姐

Open Now

Now Closed

過完年終於有時間去拜訪車輪餅小姐下午茶時間去到都有唔少人排隊，落咗order要等15分鐘左右先有得拎。尼個香蕉朱古力車輪餅，餅身用朱古力蛋漿整，好有蛋香且軟熟裡面的56%黑朱古力都幾軟心㗎，仲有舊香蕉肉添，見到已經好吸引軟心朱古力味道有少少苦，唔甜膩鍾意dark chocolate的朋友應該會喜歡佢。一搣開啲抹茶漿已經湧出嚟啦先用脷尖就咁䑛少少抹茶漿，抹茶香味唔算好濃，有回甘。再夾埋個餅一齊食，就覺得抹茶味唔太出lu，被蛋香遮蓋咗。雖然尼個紫薯味無流心效果，不過味道一定唔係做假，食得出係真 • 紫薯爆滿紫薯餡，而且啲紫薯蓉裡面仲見到有啲好似飯粒咁大嘅紫薯肉，好喜歡尼種口感嘅紫薯蓉呀！其實車輪餅唔係咩好特別嘅嘢，不過只係10蚊雞1個，又無偷工減料，又整得唔馬虎，真係幾抵食喎！