香港腸粉皇 (Closed)

一個唔愛食粥嘅小編都表示依間真係無得輸🤤👍🏻一般出面粥舖食落都係好稀，水水咁，料又少，但依間完全唔會！「皮蛋瘦肉粥」皮蛋起碼有成6-7舊，舊舊都大大舊，而且碗粥入面有滿滿瘦肉，肉質唔鞋，最重要粥底係十分綿滑，見到係一粒粒米煲出嚟，好濃稠，好足料。食完唔夠喉，想再encore🤣🤤🤤「蒸蘿蔔糕」食落好綿，面頭佈滿蝦乾、蔥花，蘿蔔味濃。「叉燒腸粉」啲叉燒多到凸晒出嚟🤣腸粉皮唔算話好薄，但食落煙韌。