古早味台灣原味 (Closed)

曾經食過旺角分店覺得不錯,今日又咁啱去到銅鑼灣行下見到呢間台灣食店原來有港島分店同朋友就去試試.當然必點係牛肉麵,古早味牛肉牛筋麵牛肉牛筋各2,牛肉肉質夠淋唔靭而牛筋入口膠質重少少彈牙,湯底唔算太濃但飲完唔會口渴.醉雞卷無諗過咁大份,2個人食會太多份量夠3-4人,雞與雞皮之間形成啫喱花雕酒味唔算濃如果多d酒味會更香.雞卷每塊都十分厚略嫌太厚令雞肉口感較紮實.2人食完醉雞卷都已經飽飽地最後點左手工綜合芋圓,面上蒲滿晒大大粒既芋圓味香但有少少硬唔夠煙靭但整體十分足料有整紅綠豆,仙草同珍珠又唔會太甜.