牛霸小麵店 (Closed)

無意中響Openrice見到哩間新開嘅台式牛肉麵店，見到評語唔錯就黎試下啦～雖然餐廳座落於一條黑咪蚊嘅隱蔽後街，門口衛生環境麻麻地，但係店裡面光線非常充足，清新柔和嘅裝修同擺設，恍惚去左台灣啲cafe咁，感覺即刻唔同曬～叫左個牛腩牛筋麵，份量十足，牛肉一啲都唔韌，仲幾爽口同有質感；麵一開始食係幾彈牙，又幾入味，但係可能我掛住影相放左陣先食，變左啲麵好似好快就開始淋喇😅 湯嘅味道濃郁得黎唔會飲到好口渴，非常之唔錯😋😋台式飲品就正正常常啦，唔算有太大驚喜。如果約埋三五知己食下野傾下計，哩度係一個幾好嘅選擇😃👍🏼 今次嘅體驗非常唔錯，有機會可以再試下哩度其他菜式😁😁