名館 (Closed)

「名館」已經係我近大半年最喜愛去嘅食店，由第一次好友歡聚到依家嘅家庭聚餐，每一次嚟到會叫到滿枱食物，只因為真係太美味了！尤其佢哋嘅燉湯，真係飲過返尋味👍🏼👍🏼👍🏼，知道最近換咗新餐單，就即刻叫咗個“川貝海底椰炖鷓鴣”呢保養吓氣管，燉湯鮮甜清潤正合依家秋涼天氣飲用。另外佢哋嘅“糖心黑蒜燉響螺”同樣材料豐富鮮甜味美喔⋯⋯ 前菜我都有心水選擇，就係“京川汁秋葵”喇，呢個汁帶蒜香同小小辣👍🏼，好醒胃呀⋯⋯新餐單另一吸引我嘅就係“藜麥菌皇炒飯”，味道唔錯喎👍🏼，藜麥同白米嘅份量適中再加上陣陣菌香，飯又炒得乾身不會油膩，絕對係一個健康好選擇👍🏼👍🏼。而甜品方面，佢哋做得非常精緻，但我同屋企人都係最愛“夠薑千層糕”，糕身煙煙韌韌又夠薑味，熱辣辣上枱真係忍唔住要食多件呀👍🏼👍🏼😋。