京城 (Closed)

鰂魚涌出名多平民野食，今日放Lunch行左20分鐘鰂魚涌，最後決定入左呢間店食水餃。平日Lunch黎講都算多人等，不過咁岩我一個人，等左5分鐘左右就入左去。水餃嘅款式黎講算好多，有最傳統韭菜，亦有比較高級嘅三鮮同罕有嘅京蔥羊肉。不過價錢上$70/10粒我個人覺得有少少貴。京蔥羊肉 + 三鮮水餃 (5/5)  $70上到枱，我有少少驚訝係個份量上比起其他餃子店相對細隻少少，但又未去到人地雲吞麵個D Size。講番味道先，三鮮餃隻蝦同肉近乎一比一比例，用料唔錯，蝦十分彈牙。而京蔥羊肉餃個調味相對黎講比較重，基本上唔會食到羊肉味，不過加埋京蔥變到好有口感。但係可惜個份量食完係唔夠一個正常成年男人飽，埋單比錢先知原來可以+$10 加多個麵。