大角咀麥太甜品

Open Now

Now Closed

途經奧海城，見到一間甜品店，比舖面嘅麥嘜、麥兜同屎撈人公仔吸引住（00後係應該唔識嘅，麥兜係我嘅同年回憶...）, 舖名都係叫麥太甜品，我仲以為麥太只識整「紙包雞」同「雞包紙」Tim, 原來仲識整甜品Wor~ 企咗陣打卡，店員禮貌介紹，佢哋係一間幫婦女就業嘅社企，咁有誠意，當然要比一次機會，支持吓嘅 一口氣叫咗2款甜品外賣，第一個係$32嘅芒果班戟，d芒果超大塊，仲堅甜Tim, 而個皮又唔硬，食得落好新鮮，呢個下次可以再叫。 第二款係$32嘅熱合桃露，合桃露夠熱係基本，食得出唔係多多牌開粉沖，係真材實料嘅。如果可以再加多d焗過嘅合桃碎，增加口感就更正喇！