Eggspectation (Closed)

荃灣有間隱世雞蛋仔小店，由兩公婆打理，是一間充滿了愛及温情的小店。於兩年前創立，故事起緣於他倆的女兒"雪雪"。女兒十分喜歡吃雞蛋仔，為了給她最天然健康及美味的雞蛋仔，兩夫妻開始着手研究，創出多款有趣新奇口味。PJ每星期都帶小寶貝"松松"來此店，因為他十分喜歡吃這裡的原味雞蛋仔。大家放心，我地只會給他吃少量，其餘的都由PJ包辦。Eggspectation也提供whatsapp落單服務，始終小店只可同時製造兩底雞蛋仔，唔想等可以先whatsapp佢地。Eggspectation有超過25款的雞蛋仔，亦會依照季節而推出seasonal flavours，例如貓山王雞蛋仔、Wasabi雞蛋仔及檸檬薑味等等...除咗原味之外，我都試過其他口味，蜜糖星星最靚，不過就唔夠原味香脆；芝士同奶皇都好香。檸檬薑味好特別，真的好重薑味。老闆每底雞蛋仔都比足心機炮製，放蛋漿後，大約等5鐘就食得。每底雞蛋仔都會嘆一陣風扇，確保脆皮先給客人。原味雞蛋仔，外層超級脆，內裡軟熟。最欣賞蛋味夠香，吃得出真材實料無添加。包裝紙盒有透氣位，食到最後也不會腍哂。Oreo Cookie雞蛋仔是松松的推介，不過有朱古力，狗仔唔食