囍八方 (奕蔭街)

Open Now

Now Closed

無意中發現呢間小店，專賣餃子，裡面座位不多，午飯時間全店滿座，買外賣走，老闆話等十分鐘，我行一圈返去未夠十分鐘已經有得攞，效率幾高。西洋菜豬肉煎餃 10隻 $79餃子大大隻，好足料！即叫即煎，熱辣辣，餃子皮香脆可口，內餡都好美味。骨膠原魚湯西洋菜豬肉餃子 8隻 $58湯餃子一樣咁好食，鮮魚湯鮮甜美味，不會太鹹，仲有條菜心，有驚喜。其實煎餃湯餃都咁好味，不過湯餃感覺無咁熱氣，又有啖湯飲下，所以我終於湯餃多啲。另外一提，店家的辣菜脯好惹味，就算外賣，佢都有自動俾左兩盒辣菜脯 & 醋，非常貼心。