慧食貓

Open Now

Now Closed

慧食貓喺葵廣同旺中都有，但中學嗰陣唔多去掃街，所以一直都冇食過🤣我見到唔少人叫B - 火腿雞蛋肉鬆手抓餅($26)，仲要寫明係招牌推薦，咁就緊係要試試啦😎店主會問你即食定攞走，如果攞走應該會比多個袋，而我當然係好有風味咁企喺度食😛嗰日接近食晏時間，所以都好多生意，職員煎到冇停手，一路等一路聞到陣陣香味🥰一攞上手嘅時候真係幾有驚喜，肉鬆完全鋪滿晒面頭，半熟嘅蛋汁望落好似溶溶地嘅芝士，仲有少少蕃茄生菜，呢個100分嘅賣相真係令人食慾大增😋除咗夠熱之外，餅皮內內外外都煎到好脆，唔只個邊會”sok sok”聲，食到最後都保持酥脆感😍雞蛋雖然冇玉子燒咁軟滑，但唔會過熟或者太硬👍🏻肉鬆真係多到不停跌出嚟，而且唔係得表面先有，食到最後一啖都仲係咁滿足😝最欣賞係佢哋喺枱面擺定好多紙巾，仲會提你攞定包住食，因為真係會幾lao gao吓🤣