Video
Read full review
2022-01-10
610 views
係土瓜灣有好多唔同嘅野食，不過有啲就行得比較遠。點知係地鐵站出嚟，對面馬路就有間新開嘅車仔麵舖。入到去發現個格局又唔多似平時嘅車仔麵舖，地下唔會油淋淋，整體感覺都好乾淨。一睇餐牌，發現除咗麵之外，仲有飯可以嗌，連早餐沙嗲牛麵果啲都有。價錢都算好抵，車仔麵44蚊3餸，包熱飲。車仔麵上枱俾我感覺好大碗，同埋望落都好食，而且夠曬足料，每樣唔係輕輕俾一兩舊，而係每樣至少4舊，當然大餸就都係2舊啦，之但係3餸都好夠飽，只係我個人貪心啲，嗌咗4餸～蘿蔔好冧，而且唔會有渣，又唔會淡而無味。雞翼就真係一大賣點，個滷水好入味，又唔會太咸。豬手，顏色上都知夠入味啦，不過再冧啲就更好啦。豬腸唔係平日一圈圈果種，食落冇騷味。湯底我就加咗腩汁同秘製辣汁，千奇唔好睇少個辣汁，真心係辣，但都好惹味。小食就嗌咗鹽酥雞，同樣大大碟，上枱脆卜卜，點泰式辣醬就識食啦！整體嚟講，大件夾抵食，會再食！
入到去發現個格局又唔多似平時嘅車仔麵舖，地下唔會油淋淋，整體感覺都好乾淨。
一睇餐牌，發現除咗麵之外，仲有飯可以嗌，連早餐沙嗲牛麵果啲都有。價錢都算好抵，車仔麵44蚊3餸，包熱飲。
128 views
0 likes
0 comments
車仔麵上枱俾我感覺好大碗，同埋望落都好食，而且夠曬足料，每樣唔係輕輕俾一兩舊，而係每樣至少4舊，當然大餸就都係2舊啦，之但係3餸都好夠飽，只係我個人貪心啲，嗌咗4餸～
40 views
0 likes
0 comments
蘿蔔好冧，而且唔會有渣，又唔會淡而無味。雞翼就真係一大賣點，個滷水好入味，又唔會太咸。豬手，顏色上都知夠入味啦，不過再冧啲就更好啦。豬腸唔係平日一圈圈果種，食落冇騷味。
湯底我就加咗腩汁同秘製辣汁，千奇唔好睇少個辣汁，真心係辣，但都好惹味。
鹽酥雞
59 views
0 likes
0 comments
小食就嗌咗鹽酥雞，同樣大大碟，上枱脆卜卜，點泰式辣醬就識食啦！
整體嚟講，大件夾抵食，會再食！
Post
