漁吉海鮮丼專門店 (Moved) New Location

九龍城不嬲都出名多美食，但除左泰國菜同火鍋之外，原來日本菜都好高質。今次就約埋朋友試左一間主打魚生飯的日式料理～-蟹黃丼🦀配料有已拆肉的松葉蟹肉配上海膽、三文魚子和蟹子 睇圖就知蟹肉好足料啦😆 海膽都幾creamy 但三文魚子就有少少腥啦-北海帆立海老丼🦐帆立貝大隻厚身 表面仲火炙過🔥入口多了點焦香味👍 牡丹蝦同甜蝦各有兩隻 肉質彈牙味道幾鮮甜-海膽天婦羅🍤店員說因為是即叫即炸的所以等了約半小時左右～炸紫菜外層包住啖啖海膽肉 海膽份量仲幾多添-另外每張抬上都有一個茶壺，本身仲以為係茶，點知經店員介紹先知道係麵豉湯！仲要係任飲的！店員仲介紹係師傅每日熬製的，果然鮮味十足同其他麵豉湯好唔同😋