祥仔辣辣 (雅蘭中心) (Closed)

呢間祥仔辣辣好多分店，一直都想試吓。雅蘭中心呢間分店好舒服，一坐低服務員就比一壺熱水好貼心，餐具亦都好精緻、好乾淨。午市套餐十分抵食，我就選擇左足料嘅海鮮湯泡飯，湯底鮮甜亦十分足料，有絲瓜、八爪魚、新鮮魚片及蝦仁。新鮮魚片好滑又唔腥，份量又足，六十幾蚊真係好抵食。另外叫左杯鹹青檸梳打，係無糖嘅，亦好醒胃。由於質素咁好，我外賣左一個香酥豬扒菜飯俾屋企人，家人都話豬扒香脆不油膩，好有質素。餐廳仲可以用app登記做會員，然後每次食飯可以累積分數。又可以利用Apps訂位，又可以食好嘢，又可以儲分玩獎賞，確係唔錯。