Video
Read full review
2022-08-15
55 views
今日好忙，搞到好遲先有時間食晏，有人話要帶我去試新嘢，原來發現海光街新開左間漢堡包外賣店「Villa Villa Burger」。先細看餐牌，漢堡包選擇貴精不貴多，只得 4 款，分別為雙層牛肉、特選美國牛肉、西檸雞堡同手打蝦餅漢堡，定價由 $68 - $118 不等，+$20 可以轉套餐，包漢堡、薯條及飲品。 點左兩個漢堡套餐：雙層牛肉 同 手打蝦餅，另外再加左一份小食。睇左餐廳嘅 社交平台Page，原來牛肉係選用美國嘅牛肩+牛腩混合炮製，唔怪得食落牛味咁重，鮮香豐腴又帶點油香，加上雙份牛肉，簡直係雙重享受。至於其他配料亦唔馬虎，除了牛油生菜、蕃茄同車打芝士，最特別係加入左自家製嘅焦糖洋蔥，味道帶甜，配埋個外香脆、內軟熟嘅牛油甜包，相得益彰。連伴吃嘅波浪粗薯條亦很美味，炸至金黃色，熱辣辣又沒有多餘嘅油份，香脆可口。另外個手打蝦餅漢堡都好有驚喜，蝦餅大大塊，好彈牙，面頭淋左泰式海鮮汁，入口甜甜地，好惹味。配料有牛油生菜、蕃茄同紫洋蔥，而麵包底層更塗上了甜辣醬，夾埋蝦餅一齊食，充滿泰式風味。身為雞翼控，小食就當然要試下佢哋嘅蒜香炸雞翼。雞翼用左蒜粉、紅椒粉同香料等醃製，外層粉漿厚薄適中，而
今日好忙，搞到好遲先有時間食晏，有人話要帶我去試新嘢，原來發現海光街新開左間漢堡包外賣店「Villa Villa Burger」。
先細看餐牌，漢堡包選擇貴精不貴多，只得 4 款，分別為雙層牛肉、特選美國牛肉、西檸雞堡同手打蝦餅漢堡，定價由 $68 - $118 不等，+$20 可以轉套餐，包漢堡、薯條及飲品。 
點左兩個漢堡套餐：雙層牛肉 同 手打蝦餅，另外再加左一份小食。
睇左餐廳嘅 社交平台Page，原來牛肉係選用美國嘅牛肩+牛腩混合炮製，唔怪得食落牛味咁重，鮮香豐腴又帶點油香，加上雙份牛肉，簡直係雙重享受。
至於其他配料亦唔馬虎，除了牛油生菜、蕃茄同車打芝士，最特別係加入左自家製嘅焦糖洋蔥，味道帶甜，配埋個外香脆、內軟熟嘅牛油甜包，相得益彰。
連伴吃嘅波浪粗薯條亦很美味，炸至金黃色，熱辣辣又沒有多餘嘅油份，香脆可口。
另外個手打蝦餅漢堡都好有驚喜，蝦餅大大塊，好彈牙，面頭淋左泰式海鮮汁，入口甜甜地，好惹味。配料有牛油生菜、蕃茄同紫洋蔥，而麵包底層更塗上了甜辣醬，夾埋蝦餅一齊食，充滿泰式風味。
身為雞翼控，小食就當然要試下佢哋嘅蒜香炸雞翼。雞翼用左蒜粉、紅椒粉同香料等醃製，外層粉漿厚薄適中，而且炸得啱啱好，外脆內嫩，一咬落去，熱騰騰嘅肉汁即時在口中溢出，甘香惹味。
Post
