滾得棧 (Closed)

今日同屋企人出開果爛買生果，經過一間新開既火鍋店，裝修幾靚，門口有個大魚缸，咁肯使錢裝修，老闆應該有返咁上下要求，應該唔會中伏既。。。叫左胡椒豬肚湯拼番茄芫茜豆腐湯，胡椒豬肚湯豬肚淋身，胡椒味幾重，重得黎唔辣，勁足料 ，老闆話真係可以當湯飲！桂花蚌併珊瑚蚌，好新鮮，爽口無雪味。老闆話招牌菜係手切牛頸脊，牛控既我當然要叫啦，碟牛一到，大家都話咗一聲，好大碟，牛肉脂肪靚，淥幾秒就食得，正到一個點！318蚊有咁大份又咁靚既牛，抵食！魚皮都係新鮮炸起既，送酒一流！叫左支藍妹啤酒，餐廳細心，用上冰杯，抵讚！另外，四位以下大部分都可以叫半份，價錢就除開一半，人少都可以叫多幾樣，可見呢到係細心既！走個時，老闆話佢地有兩間分店，睇返OpenRice 先知係好嘢黎！