龍德樓 (Closed)

襯天氣都仲涼涼地，一於就去食下煲仔飯。雖然餐廳地方不大，但係給予人一種食家庭小菜的感覺。杏汁菜膽燉白肺湯誠意之作，杏汁香味濃郁，味道突出，白肺完全冇腥味，處理得好好。日月魚燉赤肉湯有瑤柱、冬菇，豬肉等材料，相當足料。湯既味道清潤鮮甜，都幾唔錯。鮑魚金蠔蝦乾煲仔飯原隻鮑魚，份量十足，一個煲仔飯已經有兩隻鮑魚，同時配上金蠔同蝦乾，金蠔味道香濃，蝦乾好大隻，鮑魚盛宴呢個名真係無改錯。蝦醬豬頸肉煲仔飯主角絕對係個蝦醬，其蝦醬配合豬頸肉，融入到食材中，咸香味十足，送飯一流。西蘭花炒帶子食落西蘭花爽脆，帶子則嫩滑，看似簡單，但整得好食一d都唔易，呢度做得好好。