真‧章魚無雙

Open Now

Now Closed

新開左2個半月的章魚燒專門店，上次星期五到訪原來休息，今日終於試到啦，章魚燒即叫即整，餡料好足，真材實料，食完好滿足🥰。等大約5-10分鐘就有得拎🫶🏽。餡料選擇好多元化，有14款口味，全部都好惹味同吸引🤩。仲可以揀雙拼（+$2），一次食齊兩款口味，可以揀小份6粒，或大份8粒。除左章魚燒仲有冷烏冬供應。今次試左雙拼8粒章魚燒（$42），分別係蟹子同明太子口味🤤。每粒章魚燒入面有2粒大大的章魚肉，粉漿唔會厚同實👍🏽。🐙蟹子章魚燒面頭鋪左滿滿的蟹子，有橙有綠色，好新鮮脆口，份量都好多，食落口感多個層次😋。🐙明太子章魚燒面頭吱滿厚厚的明太子醬，再加上木魚碎，微微辣香，口感豐富滿足🤤。