沛公甜品 (Closed)

Dear B喺銅鑼灣食完晚飯路經耀華街，竟然見到沛公甜品既新分店，我個榴蓮愛好者朋友即刻拉左我入去榴蓮同芒果愛好者見到個餐牌一定開心死，因爲真係好多選擇啊!!各式各樣既甜品製法,中式西式樣樣齊。我朋友就嗌左招牌甜品 - 貓山王榴蓮千層班戟其實我唔係好好榴蓮，但見到佢食到咁滋味，我就忍唔住叫佢比啖我試下 食落又真係好味wo！好香滑又唔會好甜 尼杯西瓜沙冰好鮮甜又解渴，西瓜汁好足，好大杯好抵飲，足夠我地share飲尼個名為‘心花怒放’既芒果甜品，真係好好好好味呀，一塊塊芒果圍到成朵玫瑰花咁 啖啖芒果肉都好新鮮，底下係有層pancake包住個芒果味布甸，omg,好好味好香滑，隆重推介 士多啤梨椰汁紫米露都好出色，椰汁好濃好香，紫米又多，士多啤梨好甜，啖啖都嘗到足料二字，都係$36 ja!!食到飽飽諗住走 點知見到門口... 所有布甸果凍外賣減$10!!!!!既然係咁......咁我...就買個今晚返屋企食啦 嘻嘻！With loveBen