綠林甜品 (Closed)

今日行過2000年廣場，有個婆婆派傳單宣傳呢間甜品店。見有糖不甩送，又有八五折，就行過去試吓。鋪頭位置喺中石化油站斜對面，裝修光猛。星期日下午得幾枱客，所以食得悠閒。員工招呼亦很周到。我一坐低伙計就送上糖不甩，仲係熱辣辣，花生碎都落得好足，喜出望外。我叫咗個「S10 熱豆腐花+紅豆粒+雪糕+小丸子+花生芝麻糖粉」（見圖）。雖然望落份量唔大，但係個配搭幾新穎，而且食完都飽晒。間鋪做緊優惠：學生、長者、殘疾人士及同行人士埋單七折。經過銅鑼灣，想食甜品可以行遠兩步，抵唔少！