忠記粥品 (立興大廈)

Open Now

Now Closed

曾經搵過灣仔粥品有咩選擇，記得忠記風評最好，今朝算早左少少返到灣仔就黎試下。 雖然寫明離地鐵站有6分鐘路程，但比想像中遠，最後行左15分鐘左右，身水身汗。9點左右門口都有幾個人等緊外賣，比較特別既係外賣唔洗加錢，同堂食價錢一樣，落單後廿秒內就到手。皮蛋瘦肉粥 ($20)粥底偏稀，有唔少米花，食到尾亦有少少粥水既狀態。 除左生滾粥外，呢碗可以話係我食過最滑既瘦肉，有少少似手撕雞既質感，帶咸香但唔算好有鮮味。略嫌皮蛋切得比較碎，以蛋白為主，但以呢個價錢，有呢個份量既配料性價比幾高。