石籬粉仔

Open Now

Now Closed

聞名已久嘅石籬粉仔，好想去試， 今日終於的起心肝探索下葵涌區。首先google咗地圖就按指示去， 好彩門口都有啲錶位 ，等咗一陣就順利行去食嘢。舖頭嘅裝修都好鮮明， 亦都好有懷舊感覺， 入到去都覺得好新潮， 店主細心設計檯下有勾掛袋， 值得一讚。餐牌上面嘅食物，都係一啲街頭小食， 分別就在於而家可以嘆住冷氣食。我 order咗一個大嘅粉仔， 都幾大碗， 喜歡佢嘅碗同匙也印上自家品牌，令人難忘。粉仔入面有豬油渣、冬菇、蝦米、蔥， 配料都多，粉仔軟硬適中，湯底亦都好濃， 啱曬我呢啲重口味人士。 我最欣賞就係枱上嗰兩樽菜莆， 有辣有唔辣，客人可以自己任落唔嬲， 夠曬大方。