Video
Read full review
2022-04-15
51 views
今日早上同家人去左打針, 擔心打針後煮飯太操勞, 所以決定買外賣番屋企食 (其實係懶得煮 😆) 回家途中, 順路經過卓爾廣場, 係水牌位睇左一陣, 最後決定去呢間厚興瑜記手撕雞。睇完價錢之後發現都幾抵食, 我地4個人分別叫左一個二人餐, 一個醉雞絲鳳爪雞腎米粉, 一個胡麻醬手撕雞撈烏冬, 平均每人都係$60, 食到超級飽! 不過因為宜家仲係維持緊2人一枱既限聚令, 所以我地無堂食, 外賣拎番屋企一齊慢慢食。等待取餐時有店外拎左份單張黎睇, 發現原來呢間餐廳有好多間分店! 可能係疫情呢2年期間, 我太耐無出黎覓食… 趁住疫情開始慢慢好轉, 要出多D去食好野💪🏻醉雞絲鳳爪雞腎米粉 ($56)可以轉做白飯 / 湯麵 / 水晶粉, 但最後我地都係叫番米粉。呢個餐既好處就係一個餐包左三種配菜, 一次過滿足哂3個願望! 醉雞絲食落去個酒香味好夠, 平衡得幾好, 唔會得個酒味而無左個香味。雞腎就大小適中, 都幾爽口。鳳爪就切到好細, 唔係原隻鳳爪咁上, 味道OK。胡麻醬手撕雞撈烏冬 ($56)落單時店員有問我要熱定凍既, 所以我估計可以轉做熱食。但呢排天氣熱番D, 同埋行番屋企都行到個人熱哂, 我就
睇完價錢之後發現都幾抵食, 我地4個人分別叫左一個二人餐, 一個醉雞絲鳳爪雞腎米粉, 一個胡麻醬手撕雞撈烏冬, 平均每人都係$60, 食到超級飽! 不過因為宜家仲係維持緊2人一枱既限聚令, 所以我地無堂食, 外賣拎番屋企一齊慢慢食。
等待取餐時有店外拎左份單張黎睇, 發現原來呢間餐廳有好多間分店! 可能係疫情呢2年期間, 我太耐無出黎覓食… 趁住疫情開始慢慢好轉, 要出多D去食好野💪🏻
醉雞絲鳳爪雞腎米粉 ($56)
醉雞絲鳳爪鷄腎米粉
$56
11 views
0 likes
0 comments
可以轉做白飯 / 湯麵 / 水晶粉, 但最後我地都係叫番米粉。呢個餐既好處就係一個餐包左三種配菜, 一次過滿足哂3個願望! 醉雞絲食落去個酒香味好夠, 平衡得幾好, 唔會得個酒味而無左個香味。雞腎就大小適中, 都幾爽口。鳳爪就切到好細, 唔係原隻鳳爪咁上, 味道OK。
胡麻醬手撕雞撈烏冬 ($56)
胡麻醬手撕雞撈烏冬
$56
21 views
0 likes
0 comments
落單時店員有問我要熱定凍既, 所以我估計可以轉做熱食。但呢排天氣熱番D, 同埋行番屋企都行到個人熱哂, 我就叫左呢個凍既烏冬。味道都算正常, 加左青瓜絲就令人有種好清新既感覺。而胡麻醬份量落得岩岩好, 每一啖都食到胡麻醬既味道, 但又唔係搞到成碗烏冬濕漉漉。
二人餐 ($128)
招牌手撕鷄（半份）
17 views
0 likes
0 comments
自選雙拼小食
7 views
0 likes
0 comments
屋企人叫左一個二人餐share食, 套餐包括半隻招牌手撕雞, 自選雙拼小食, 灼季節時蔬, 是日靚湯 & 白飯, 認真抵食。手撕雞雖然話係半隻, 但份量真係幾多, 兩個人食都差D食唔哂。手撕雞既雞味好濃郁又唔會死咸, 好入味, 而且肉質好嫩滑唔會鞋, 果然係招牌菜! 而雙拼小食方面, 我地叫左海蜇同埋雞腎 (無錯, 又係雞腎😆, 我地屋企都幾中意食雞腎)。除左我地叫果兩款之外, 仲有鳳爪, 豬耳, 豬肚, 小冬菇, 醬油冬旬等等, 下次再食可以試埋其他。海蜇爽口, 不過我略嫌佢味道比較淡口, 可能我比較中意D濃味野。而雞腎方面就同岩岩醉雞絲鳳爪雞腎米粉入面既雞腎一樣, 好爽口。時蔬方面就係娃娃菜, 我覺得D菜幾甜, 好好食, 有家常便飯既感覺。不過家人就略嫌個湯咸左少少, 不過佢地食開好清淡既野。最後個湯就係蕃茄🥔薯仔🍅湯 (仲有黃豆), 入面好足料, 無味精, 同屋企煲既一樣都係咁好飲!
Post
