米走雞Deluxe (Moved) New Location

呢間餐廳真係新鮮又正又足料！我哋今晚去試咗佢哋嘅芝士雞煲打邊爐，真係大驚喜！唔怕餓親，因為佢哋嘅雞煲入面真係有成廿幾件雞，足料又飽肚！餐廳嘅環境都好舒適，氣氛幽雅，仲有好多卡座！令我哋感覺好放鬆咁傾計～服務員都好友善！我哋點咗沙白蜆，真係新鮮到爆！蜆肉嫩滑，帶有淡淡嘅海味，令人回味無窮。炸魚皮都好出色，香脆好食，炸到好香，真係一件接一件都唔夠喉！特別推薦餐廳嘅手打M5和牛丸，真係超級好食！肉質鮮嫩多汁，每一啖都係滋味十足。呢間餐廳嘅食物質素好高！勁新鮮，服務一流。如果你鍾意芝士雞煲同埋打邊爐，真心推薦依間餐廳！