Video
Read full review
2022-08-25
171 views
灣仔地鐵出站行一個街口，係修頓球場對面，有間養生麵館，自己本身都好鍾意食藥膳湯底，今次第一次黎食，價錢相宜，平日夜晚都唔少人黎食架！藥膳農場雞山藥養生湯米線 $64湯底有香噴噴嘅藥材味，非常香濃甘甜，每啖湯都充滿藥膳湯味道，每碗米線都有3-4件雞件，咁啱我哋兩個都有雞髀雞翼，雞肉嫩滑，另外仲有好多粒紅棗、杞子、桂圓、淮山，十分足料！藥膳農場醉雞養生湯米線 $64呢碗同上一碗嘅最大分別係個湯底，呢個有啲意想不到嘅驚喜，藥膳湯底加少少酒味，令到藥材更加突出香濃，呢個湯底更加鮮甜！藥膳雞腳 $38雞腳比較爽口有口感，唔會話太腍，保留返雞本身嘅味道。奶茶紅豆冰 +$12超級驚喜好好味！奶茶茶膽香濃，再加上紅豆本身嘅甜味，冇特別叫少甜，甜度恰到好處，非常好嘅組合！
藥膳農場雞山藥養生湯米線 $64
湯底有香噴噴嘅藥材味，非常香濃甘甜，每啖湯都充滿藥膳湯味道，每碗米線都有3-4件雞件，咁啱我哋兩個都有雞髀雞翼，雞肉嫩滑，另外仲有好多粒紅棗、杞子、桂圓、淮山，十分足料！
藥膳農場醉雞養生湯米線 $64
呢碗同上一碗嘅最大分別係個湯底，呢個有啲意想不到嘅驚喜，藥膳湯底加少少酒味，令到藥材更加突出香濃，呢個湯底更加鮮甜！
藥膳雞腳 $38
雞腳比較爽口有口感，唔會話太腍，保留返雞本身嘅味道。
奶茶紅豆冰 +$12
超級驚喜好好味！奶茶茶膽香濃，再加上紅豆本身嘅甜味，冇特別叫少甜，甜度恰到好處，非常好嘅組合！
Post
