蛇王娟

Open Now

Now Closed

天寒地凍，行過有好多食肆嘅宜安街，見到有兩條長長嘅人龍喺一間舖頭門口度，就去八吓邊間有咁大嘅吸引力。原來係喺呢區好出名嘅蛇王娟。見咁多人排，我估都唔會差，一於都排番份，睇吓係咪咁正先。因為而家喺香港食碗靚嘅蛇羹都唔係咁易揾到。入到去叫咗個B餐，有碗細蛇羹、一碗糯米飯同五蛇湯。碗蛇羮非常足料，加埋檸檬葉同薄脆，成碗味道即刻提升晒。糯米飯好煙靭，有臘腸同臘肉。飲埋碗蛇湯，食到成身暖笠笠。唔怪之得有咁多人排隊喇，值得嘅。