港青咖啡座

Open Now

Now Closed

今日一早我們見完客之後去咗尖沙咀香港基督教青年會嘅「Mall Cafe」食下午茶！但可能係太攰同天氣太熱，無乜胃口食嘢嘅關係，所以我們祇係叫咗自選三文治「燒鷄、燒牛肉，牛油果」同YMCA公司三文治，但一嚟到見到份量都幾足料大份，伴碟嘅薯條亦炸得好金黃香脆，YMCA公司三文治嘅方包烘得好香脆，餡料亦好足料豐富，分別有：烤鷄、火腿、生菜、煎蛋同蕃茄，煎蛋煎得都幾香，生菜同蕃茄都幾新鮮，夾埋一齊食，感覺好清新！而自選三文治我們就揀咗鬆軟嘅燒鷄、香濃嘅燒牛肉同芳香軟滑嘅牛油果，份量多到感覺好似食緊巨無霸咁，真係好足料抵食呀！但店員嘅服務態度就唔算太好！