Video
Read full review
2019-10-22
38 views
香港人真係好鐘意打邊爐！所以湯底方面真係越出越多花款，越出越豪華！由以前嘅普通莞茜皮蛋、豬骨湯、沙爹湯底，去到依加真係用老火湯煲足幾個鐘嘅湯底嚟打邊爐，好多時湯底反而變咗主菜！每次都會飲完一轉湯，先開始慢慢打邊爐～大一海鮮火鍋嘅湯底都有好多款選擇，而且大部分都好有特色！例如：金湯腿翅鍋、大一花甲蟹鍋、野菌黑松露湯、冬瓜薏米水鴨鍋等⋯金湯腿翅鍋 $399牛魔王拼盤 $399黑松露帶子餃 $68/半份芝味嚮鈴 $69/份檸檬薏米水 $39[分數：7.5/10］打邊爐飲薏米水清熱就最啱～仲加咗檸檬落去，飲落甜甜地，帶少少酸味，仲可以去下油膩感添！
香港人真係好鐘意打邊爐！所以湯底方面真係越出越多花款，越出越豪華！由以前嘅普通莞茜皮蛋、豬骨湯、沙爹湯底，去到依加真係用老火湯煲足幾個鐘嘅湯底嚟打邊爐，好多時湯底反而變咗主菜！每次都會飲完一轉湯，先開始慢慢打邊爐～
大一海鮮火鍋嘅湯底都有好多款選擇，而且大部分都好有特色！例如：金湯腿翅鍋、大一花甲蟹鍋、野菌黑松露湯、冬瓜薏米水鴨鍋等⋯
金湯腿翅鍋 $399
[分數：9/10］
我地揀咗喺餐牌排第一嘅金湯腿翅鍋！鍋底好快就嚟到，真係好足抖！
除咗有一梳梳翅之外，仲有2大舊金華火腿骨同半隻雞！打邊爐前先試下個湯先，湯底好甜，金華火腿味超香濃！所以接近飲晒成煲湯先再加湯打邊爐！
牛魔王拼盤 $399[分數：8/10］
牛魔王拼盤完全可以滿足我對牛嘅渴望！一次過可以試晒本地牛、牛胸爽、安格斯牛肉粒、牛脷！我最鍾意係牛胸爽！咬落真係好香好好食！本地牛有肉香，牛脷薄薄地帶爽脆口感同脂香，而安格斯牛粒就有口感得嚟又帶脂香！
黑松露帶子餃 $68/半份
[分數：8/10］
黑松露帶子餃就相當巨型！半份有4隻！餃皮薄薄，入面就爆晒餡！入面有帶子、豬肉、黑松露、紅蘿蔔碎，入口好香松露味，餡料飽滿結實，好飽肚！
芝味嚮鈴 $69/份
[分數：7/10］
芝味嚮鈴都幾特別，嚟到嘅時候已經聞到芝士味！原來係灑咗好多芝士粉上面～放入去淥嘅話要就住放，唔係嘅話啲芝士粉會直接沖走晒！如果係熱辣辣炸起，就咁即食應該會更好～
檸檬薏米水 $39
[分數：7.5/10］
打邊爐飲薏米水清熱就最啱～仲加咗檸檬落去，飲落甜甜地，帶少少酸味，仲可以去下油膩感添！
Post
