鯛魚魚湯專門店 (Closed)

某日同朋友去左魚湯專門店。餐廳位置都ok多，好有日式feel,入面仲有d得意既擺設，木櫈為主。我地安排左坐對住牆既邊邊位。呢間餐廳主要食烏冬，menu好多款式，最尾朋友叫左個花膠鮑魚魚肚魚湯烏冬，我就叫左個原隻龍蝦烏冬，仲有小食炸豬扒。烏冬黎到店員細心地叫我拎起隻龍蝦先因為浸得耐會唔好食，之後我將隻龍蝦放左响另一隻碟度，佢仲有個火爐暖住d烏冬避免烏冬凍左。隻龍蝦都幾大隻嫁，仲要肉質好鮮甜蝦肉爽口彈牙仲有好多蝦膏。湯底好濃鯛魚味，好味到飲晒d湯。鮑魚魚肚花膠烏冬好足料，花膠好大舊，魚肚好厚身。都好好味。小食豬扒好大塊，香脆唔會好油仲有沙律伴碟。全店不收加一。真係幾抵食。