Video
Read full review
2009-12-17
9 views
尋晚(16-12-2009 Wed)同家人同男友做節,我o地8:30pm至o黎到,小菜即刻有位,我o地叫o左個好似$738.00o既燒鵝海鮮餐(6人份),加蒜蓉白菜仔同糯米飯.好快,第一個o黎o既竟然係糯米飯.都幾大碟夠料,大嫂話啲蝦米好大隻,臘腸都唔少.而食落,糯米飯煙韌,可惜唔夠香唔夠味.味道: 2.5分2. 燒鵝份量亦幾多,皮都仍脆,唔錯.味道: 4.7分3. 原盅螺頭花膠煲雞湯花膠都幾多,但唔知係咪唔夠靚,覺得膠質唔多,都過冇乜問題.但以呢個價錢做,其實我o地都幾抵.味道: 4.5分4. 蒜蓉白菜仔唔係好大碟,我亦食得好少,呢個冇問題啦.味道: 4分5. 荷芹炒腊味睇落唔係好大碟,但原來因為荷蘭豆唔肥唔脹,所以都幾多,可惜荷蘭豆味道唔夠甜.味道: 2.7分6. 果皮蒸南非鮑魚仔(八隻)六人餐又會畀八隻鮑魚仔咁得意o既?但鮑魚仔又冇想像中咁細隻,都差唔多有兩吋長,可惜食落係冇乜味,只有淡淡o既果皮味,鮑魚仔有啲彈牙,而竟然同金菇墊底.味道: 3分7. 芝士焗龍蝦伊麵好大碟,龍蝦都幾多,但有少少焗過龍,燶o左少少,而芝士都幾多,龍蝦亦都算新鮮,OK o既.味道: 3分8. 清蒸虎斑
好快,第一個o黎o既竟然係糯米飯.都幾大碟夠料,大嫂話啲蝦米好大隻,臘腸都唔少.而食落,糯米飯煙韌,可惜唔夠香唔夠味.
味道: 2.5分
2. 燒鵝
份量亦幾多,皮都仍脆,唔錯.
味道: 4.7分
3. 原盅螺頭花膠煲雞湯
花膠都幾多,但唔知係咪唔夠靚,覺得膠質唔多,都過冇乜問題.但以呢個價錢做,其實我o地都幾抵.
味道: 4.5分
4. 蒜蓉白菜仔
唔係好大碟,我亦食得好少,呢個冇問題啦.
味道: 4分
5. 荷芹炒腊味
睇落唔係好大碟,但原來因為荷蘭豆唔肥唔脹,所以都幾多,可惜荷蘭豆味道唔夠甜.
味道: 2.7分
6. 果皮蒸南非鮑魚仔(八隻)
六人餐又會畀八隻鮑魚仔咁得意o既?但鮑魚仔又冇想像中咁細隻,都差唔多有兩吋長,可惜食落係冇乜味,只有淡淡o既果皮味,鮑魚仔有啲彈牙,而竟然同金菇墊底.
味道: 3分
7. 芝士焗龍蝦伊麵
好大碟,龍蝦都幾多,但有少少焗過龍,燶o左少少,而芝士都幾多,龍蝦亦都算新鮮,OK o既.
味道: 3分
8. 清蒸虎斑仔一條
真係虎斑仔,魚蒸到o岩o岩好,好滑好味,可惜太細條,呢個應該係成餐最好食o既.
味道: 5分
之後有生果盤,全部都係西瓜,但刀功幾好,西瓜切得幾薄.
而最後大嫂竟然帶頭話要食甜品,我揀o左咖啡凍,而o係混亂期間,一共叫o左兩個凍楊支甘露,兩個紅豆沙湯丸,一個芒果布甸,兩個椰皇雪蛤膏.
男友食楊支甘露,話好酸,芒果應該唔當糙o掛.而我o既咖啡凍就唔甜,有啲微苦啦.
紅豆沙湯丸依然咁大碗,二嫂一個人食晒一碗;芒果布甸我就冇食亦冇問好唔好食.
最後o既椰皇雪蛤膏因為要蒸返熱,所以等o左一陣,o黎到,成個椰子上,都預o左燉蛋白膩,所以我只食o左兩啖.
呢餐實在太飽喇,而加埋兩個白飯,埋單只係$1,153.00,都幾抵.
味道: 3.6分
Post