海記合桃坊甜品 (Closed)

行行下街覺得好攰 ，無意中就見到呢間海記甜品， 入到入面爆曬場，所以唯有坐角落頭嘅二人枱， 地方係迫夾啲， 但啲糖水都幾好食同埋都好足料， 跟住叫咗個腐竹蓮子薏米雞蛋糖水 ，男朋友就嗌咗個薑汁豆腐花 ，我哋另外加多咗一個芒果腸粉。。。。 我個糖水 ，有好多蓮子 ，亦唔係好甜 ，甜味剛剛好， 啱曬我口味。。。 男朋友就話個薑汁豆腐花薑味好辣😂😂😂 個芒果腸粉入面嘅芒果甜到不得了呀。。。。Nice。。。 所以如果去開太子、旺角嘅朋友仔,我都會介紹你哋呢一間度食。。。。