Video
Read full review
2023-02-17
78 views
銅鑼灣澳門逸園中心一向係高質日本菜嘅集中地，最近就去咗10樓嘅 極鮨 食omakase。點咗最豐盛嘅「匠」，呢一款足足有22品，太豐盛！Omakase用料上乘，前菜有兩款，分別係螢光魷魚同北海道響螺，賣相好精緻。螢光魷魚味道鮮甜，而汁煮響螺就鮮味濃，口感又爽口。之前師傅開始上刺身五點。有日本真蠔配蠔汁啫喱，呢個生蠔好大隻，食落好鮮，仲有紫蘇嘅香味！新鮮北寄貝，食落更鮮甜又爽脆。另外仲有兩款魚，包括炙燒過嘅間八魚同太刀魚配味增醬，兩者都係時令，夠厚切，魚味突出！而最好食嘅刺身係煙燻鰹魚。出場仲有煙霧效果，夠哂打卡，食落會有好香smoky味道！鰹魚食落有煙燻香氣，配有炸蒜絲，更突顯魚味，好味！之後係季節和食三品。汁煮魚眼係omakase比較少見。醬汁好好味，而魚眼煮得好焾好入味，仲好滑溜溜添，加上魚眼本身膠原蛋白仲好豐富添！另一道係炸物。有黎自京都嘅炸蟹仔，新鮮由日本空港再炸起，亦有日本鮟鱇魚同青椒仔，炸得都好香口，擠上青檸食落更清新！下一道係金目鯛立鱗燒配南瓜醬。立鱗燒部分做得唔錯，炸到薄脆企身，食落脆卜卜！接著就係主角極壽司9品，真係款款都有配搭，有驚喜！白蝦壽司。黎自日本富山縣，配上
點咗最豐盛嘅「匠」，呢一款足足有22品，太豐盛！
Omakase用料上乘，前菜有兩款，分別係螢光魷魚同北海道響螺，賣相好精緻。
螢光魷魚味道鮮甜，而汁煮響螺就鮮味濃，口感又爽口。
之前師傅開始上刺身五點。
有日本真蠔配蠔汁啫喱，呢個生蠔好大隻，食落好鮮，仲有紫蘇嘅香味！
新鮮北寄貝，食落更鮮甜又爽脆。另外仲有兩款魚，包括炙燒過嘅間八魚同太刀魚配味增醬，兩者都係時令，夠厚切，魚味突出！
而最好食嘅刺身係煙燻鰹魚。
出場仲有煙霧效果，夠哂打卡，食落會有好香smoky味道！鰹魚食落有煙燻香氣，配有炸蒜絲，更突顯魚味，好味！
之後係季節和食三品。
汁煮魚眼係omakase比較少見。
醬汁好好味，而魚眼煮得好焾好入味，仲好滑溜溜添，加上魚眼本身膠原蛋白仲好豐富添！
另一道係炸物。
有黎自京都嘅炸蟹仔，新鮮由日本空港再炸起，亦有日本鮟鱇魚同青椒仔，炸得都好香口，擠上青檸食落更清新！
下一道係金目鯛立鱗燒配南瓜醬。
立鱗燒部分做得唔錯，炸到薄脆企身，食落脆卜卜！
接著就係主角極壽司9品，真係款款都有配搭，有驚喜！
白蝦壽司。
黎自日本富山縣，配上鱘龍魚子醬，食落淡身嘅鮮味，作為開場壽司最好不過！
鰤魚腩壽司。
師傅嘅刀工好，鰤魚腩魚味突出又滑嫩。金目鯛壽司。
配上梅子醬，更可將魚味提鮮。深海池魚王壽司。
好厚切，口感豐富，加上柚子胡椒醬好特別。鯖魚壽司。
好鐘意呢件經昆布漬左兩日嘅鯖魚壽司，仲加左大葉同檸檬汁，味道有層次，魚味濃郁得黎有昆布大葉嘅清香。中拖羅壽司。
用上鹿兒島中Toro，食落都肥美，加上有醬油漬過更有風味。吞拿魚面頰壽司。
好刁鑽嘅魚部位，先經醬油漬處理，仲會即席炙燒，將魚油都逼香出黎，加上山椒中和膩感，真係好好食！銀鱈魚壽司。
黎自北海道，仲加左黑松露醬，所以食落好香，而且銀鱈魚油脂都多，真係入口即化！海膽杯，當然係當晚highlight啦！
賣相好吸引呀。海膽係黎自北海道根室嘅馬糞海膽，配上醬油漬三文魚子， 配搭矜貴，所以食落自然鮮甜同好滿足！
食左咁多肥美壽司都開始飽，但下一道繼續有主菜！
北海道毛蟹配蟹醋啫喱。
蟹肉已預先拆好，食起嚟好方便，而且蟹肉鮮甜，加上蟹醋啫喱酸酸甜甜，份量剛剛好！臨完結有鮮甜嘅魚湯同玉子燒。
最後有香甜蜜瓜同士多啤梨作結。
真係好豐富嘅full course 呀。整體份量慷慨，款式多樣化，最重要係質素高，不論壽司定係熟食都有特別既配搭，成餐飯食得好滿意！
Post
