大丈夫食堂

Open Now

Now Closed

今日真係跑少少食多多啊因為呢排天氣太熱啦，所以跑步都跑唔到咁長，早咗跑完，有得早啲食飯。就走咗去大丈夫。今次我哋兩個人去，叫咗一個定食，叫咗個手卷，其實仲有壽司嘅，不過掛住食都唔記得影。當然佢最出名嘅一定係炸嘢啦，去過咁多次都食唔到佢個油甘魚膠，今次終於都有啦。食日本嘢係因為多魚，所以今次我哋都特登叫咗個油甘魚鮫，$78 200g。 另外我再加多咗一碗椰菜個椰菜加埋芝麻醬真係好好食呀，平時自己喺屋企都好少買椰菜食。因為通常八點幾先可以食到飯，所以就好少叫燒牛肉，其實我好想叫燒牛肉㗎。