永祥燒臘飯店

Open Now

Now Closed

週六大半日都留咗喺跑馬地，午餐亦只能匆匆食個飯盒就算。因有人代勞行去附近一家「永祥燒臘飯店」買飯，小肥就跟隨大隊要咗個叉燒飯 。嘩，叉燒全為半肥瘦，雖然件件都好厚身，但入口鬆軟無比，肉汁豐郁香甜，真係超 ！H姐姐睇到細佬喺短短八分鐘內食到飯粒都冇得剩都忍唔住答咗句：「成盒飯食哂，你真係好鍾意食喎 。」閒談間得知原來「永祥」乃區內唯一一間燒臘舖，儘管跑馬地租金高企，餐飲業難做，去年店子更險遭私家車蹱毀，「永祥」仍能屹立不倒，XO仔盒超然叉燒飯似乎足以解釋八成理由 ，42蚊盒有信心o既保證，可算貴得有道理。