麻辣風雲 (京都廣場) (Closed)

成日見到朋友去食川菜都會有隻好型既木船加上一碟美味既炸饅頭，我就有個大膽的想法就係可以帶曬班壯丁上船陪諸葛亮去草船借箭，今次真係做啦 餐廳裝修亦別具心思，以中式古典建築元素為主題QR code 落單，上菜速度好快，而且職員殷勤有禮，態度好客餐廳主打各式正宗川菜，選用來自四川的香料，菜式加入大量辣椒，如酸菜魚、四川水煮牛、水煮魚、自選麻辣干鍋、香辣蟹及川味炒大蜆等等，適合嗜辣之人食物方面:前菜小食 : 有辣紫菜花生及中華沙律，兩款小食又辣又惹味炸饅頭 : 賣相超級吸睛，諸葛亮草船借箭，再加埋噴煙效果，氣勢十足，饅頭炸到金黃色，香脆內軟，再蘸上煉奶食，簡直絕配招牌酸菜魚 : 酸菜魚超大盤，選擇左中辣，鱸魚片新鮮厚身，肉質嫩滑份量多，配上大量 Q 彈寬粉、萵筍、酸菜、芽菜、豆卜等配料，非常豐富，自家醃製酸菜又唔會過酸或過鹹，湯底味道拿捏剛剛好，好味到連酸菜都食曬火爆魷魚鬚 : 魷魚鬚大大係，口感彈牙，再加埋萵荀、韭菜、辣椒及其他配料用秘制醬汁爆炒，少少辣又夠惹味菊花蜜 : 用上古代酒壺，再加埋懷舊碗仔黎飲，感覺特別，菊花味道濃郁，味道微甜，解辣一流