東海酒家 (Closed)

跟兩位好友食飯, 唸到想食大閘蟹, 朋友話不如黎東海食. 佢話八點半後入座只係二百幾全包!! 反正我又未食過, 那就拍板黎這兒食飯.可能好多人都揀這個特價時段, 同埋是二輪時間, 就算訂左枱, 都等左二十分鐘先有得入座. 而且真是人太多, 我地坐的只是加位, 在魚缸旁的走廊位加左數張摺枱, 其實都真係坐得幾迫下.好啦, 上菜啦, 第一樣上的就是蟹粉多士. 我相信是整定, 多士唔熱, 已經變硬了. 蟹粉只是微溫, 差一點就開始鯹了, 唔太掂當.之後第一隻大閘蟹及蟹粉小籠包同一時間到, 當然食左兩粒小籠包先啦. 今次是熱辣辣嫁啦, 蟹粉好香,入面很多汁, 而粉不算大厚, 同埋不會一爽即穿, 好味.大閘蟹一號及二號上場啦, 朋友話為何兩隻都是公黎, 我個人就鐘意公多d, 所以我無咩所謂. 哈哈!!!不算係很大很大隻, 但都好多膏, 很咁香, 食到唔停口. 大家在密密拆蟹, 掛住食, 無咩傾計.食兩隻蟹的中間位還有一盎湯, 是佛跳牆, 入面好足料, 有花膠, 冬菇, 瑤柱, 螺頭......入口已覺有豐富的膠質, 不會太鹹, 食完係咪會有好多骨膠原呢??? 飲完湯其實已經好飽,