Video
Read full review
2023-08-30
310 views
平時都係媽咪跟我去食我食過認為好味嘅餐廳，估唔到有朝一日竟然會掉番轉。🤷🏻♀️🤷🏻♀️上星期佢同某auntie食過呢間酒樓之後，就話搵日同我食，咁啱今日攞咗假陪老豆去拎回鄉卡，我就話不如拎完卡搭車過嚟食啦，反正都咁近。通常主打做婚宴嘅酒樓都唔會太難食，呢間都唔例外，食物中規中矩，味道ok但未至於有驚喜，不過點心款式選擇算多，有懷舊系列亦有新派造型系列。當中最得我歡心嘅係竟然有鵪鶉蛋燒賣，而且味道唔錯。媽咪極力推薦呢個春風得意腸，入面包咗釀咗蝦膠同粟米嘅油炸鬼，口感豐富，而且油炸鬼唔會太腍，仲保持到少少脆度，但搭配嘅豉油太鹹。呢個點心拼盤每款各有2件，啱晒2個細食嘅女仔嗌嚟Share，不過媽咪同老豆都話個黃金糕好硬好難食，我冇食唔知，但個燒賣同菜苗餃係正常嘅，不過個潮州粉果一夾就散，個皮嘅澄麵同水嘅比例應該出咗問題……🤔🤔星洲炒米係下午茶時段供應嘅，呢個分量賣58蚊好抵食，而且炒得好乾身，唔會太油，味道貼近茶記口味，配料有叉燒、蝦仁、韭黃、雞蛋、洋蔥等，算幾足料。最差係呢個五香牛雜，除咗牛腸炆得算入味，其餘牛肚、牛肺都超韌，仲要下面墊勁多蘿蔔，有渣又唔入味，失敗！因為呢間酒樓係婚宴集團旗
上星期佢同某auntie食過呢間酒樓之後，就話搵日同我食，咁啱今日攞咗假陪老豆去拎回鄉卡，我就話不如拎完卡搭車過嚟食啦，反正都咁近。
通常主打做婚宴嘅酒樓都唔會太難食，呢間都唔例外，食物中規中矩，味道ok但未至於有驚喜，不過點心款式選擇算多，有懷舊系列亦有新派造型系列。當中最得我歡心嘅係竟然有鵪鶉蛋燒賣，而且味道唔錯。
鵪鶉蛋燒賣
8 views
0 likes
0 comments
媽咪極力推薦呢個春風得意腸，入面包咗釀咗蝦膠同粟米嘅油炸鬼，口感豐富，而且油炸鬼唔會太腍，仲保持到少少脆度，但搭配嘅豉油太鹹。
春風得意腸
5 views
0 likes
0 comments
呢個點心拼盤每款各有2件，啱晒2個細食嘅女仔嗌嚟Share，不過媽咪同老豆都話個黃金糕好硬好難食，我冇食唔知，但個燒賣同菜苗餃係正常嘅，不過個潮州粉果一夾就散，個皮嘅澄麵同水嘅比例應該出咗問題……🤔🤔
點心拼盤
$50
2 views
0 likes
0 comments
星洲炒米係下午茶時段供應嘅，呢個分量賣58蚊好抵食，而且炒得好乾身，唔會太油，味道貼近茶記口味，配料有叉燒、蝦仁、韭黃、雞蛋、洋蔥等，算幾足料。
星洲炒米
$58
4 views
0 likes
0 comments
最差係呢個五香牛雜，除咗牛腸炆得算入味，其餘牛肚、牛肺都超韌，仲要下面墊勁多蘿蔔，有渣又唔入味，失敗！
五香牛雜
$80
10 views
0 likes
0 comments
因為呢間酒樓係婚宴集團旗下，所以場內主打無柱式設計，夠晒開揚，室外仲有一個小場地可以做戶外證婚。
Post
