MedOven (Closed)

我朋友嘅公司呢好得意，佢哋呢每一年都會搞聖誕節大餐，老闆呢都會親自下廚，記得有年我參加過又有魚翅又有鮑魚，老闆將會親自做佢嘅拿手火雞三文治，然之後當然唔少得就需要其他嘢食啦！其他嘢食呢就好多時會有我呢個朋友小秘書負責，小秘書因為咁樣呢就成日要周圍去覓食。尤其是一到聖誕時分，佢嘅目標就係要搵到一啲健康，獨特，價錢合理嘅都會啦。而佢又知道我平時好鍾意食嘢，所以呢今次帶咗我嚟到位於灣仔嘅Medoven , 話要來試吓佢哋嘅地中海都會考慮吓聖誕節會唔會叫啊！佢全個套餐其實都好多，但係呢我哋今次淨係試咗少部份姐，今次我試到嘅係地中海芝士沙律，免治牛肉茄子批，帆船薄餅，地中海蛋糕。先介紹呢個地中海芝士沙律，真係十分之健康！有齊晒多種顏色嘅蔬菜，配合地中海芝士，地中海芝士嘅芝士味道唔濃，十分之有口感，而且同蔬菜配搭亦都好匹配。至於免治牛肉茄子批直情係一食停唔到口，番茄同勉之牛肉呢一個本身已經係良好配搭，再配上佢哋嘅自家蒜蓉乳酪汁，真係一食唔停口！於佢哋嘅知名帆船薄餅同樣出色，餅底口感煙韌香脆，餡料亦都很足夠，一個帆船薄餅大概我覺得兩個人作lunch食都剛剛好！我第一次食地中海蛋糕，小小似濕咗嘅Bro