Video
Read full review
2022-10-30
44 views
好耐冇食台灣🇹🇼野啦，今日同朋友一行2人黎到網上口碑唔錯既春禧堂食晚餐黎到先發現環境同想像中既有出入😅佢地主打做外賣，而隔離就係用帳幕⛺️搭成供用膳的小小地方，大約有12個座位左右環境算係幾靚，有打卡位📸買完食物之後等叫號，由食客自行取餐，所有餐具餐盒都係即棄呢度仲有土鳳梨酥賣架，見佢價錢都幾抵😍食物方面有湯麵，飯類，小食，吐司，沙律同飲品，選擇以小店黎講好豐富🥳詳情可參考圖片😉==========🔹甜不辣 $28份量都算幾多，有6片，仲有好多椰菜墊底魚味算重而唔腥，炸得唔算油膩，口感幾彈牙，醮上甜甜酸酸既醬幾開胃😋不過個人口味唔算太鍾意食炸野，所以俾唔到好高分🤣推介指數：8/10==========🔹古早味滷水拼盤（腱心牛肉，牛肚，雞翼，牛筋）$78打開時都幾失望，份量偏少😥雞翼4隻，腱心牛肉4片，牛肚同牛筋比較細件，件數亦唔多另外有配菜醃黃蘿蔔，手拍青瓜🥒同肉鬆無論雞翼，牛肉，牛肚定牛筋都幾入味，肉質嫩滑👍🏻牛肚有嚼勁，牛肉同牛筋炆得夠腍扣分位只係價錢😆配菜青瓜🥒爽口入味肉鬆鮮味足而且夠香又冇渣🤩推介指數：6/10==========🔹黑胡椒雞胸🐓水耕菜沙律🥗 $48菜既份量幾多，仲
黎到先發現環境同想像中既有出入😅
佢地主打做外賣，而隔離就係用帳幕⛺️搭成供用膳的小小地方，大約有12個座位左右
環境算係幾靚，有打卡位📸
買完食物之後等叫號，由食客自行取餐，所有餐具餐盒都係即棄
呢度仲有土鳳梨酥賣架，見佢價錢都幾抵😍
食物方面有湯麵，飯類，小食，吐司，沙律同飲品，選擇以小店黎講好豐富🥳
詳情可參考圖片😉
==========
🔹甜不辣 $28
份量都算幾多，有6片，仲有好多椰菜墊底
魚味算重而唔腥，炸得唔算油膩，口感幾彈牙，醮上甜甜酸酸既醬幾開胃😋
不過個人口味唔算太鍾意食炸野，所以俾唔到好高分🤣
推介指數：8/10
==========
🔹古早味滷水拼盤（腱心牛肉，牛肚，雞翼，牛筋）$78
打開時都幾失望，份量偏少😥
雞翼4隻，腱心牛肉4片，牛肚同牛筋比較細件，件數亦唔多
另外有配菜醃黃蘿蔔，手拍青瓜🥒同肉鬆
無論雞翼，牛肉，牛肚定牛筋都幾入味，肉質嫩滑👍🏻
牛肚有嚼勁，牛肉同牛筋炆得夠腍
扣分位只係價錢😆
配菜青瓜🥒爽口入味
肉鬆鮮味足而且夠香又冇渣🤩
推介指數：6/10
==========
🔹黑胡椒雞胸🐓水耕菜沙律🥗 $48
菜既份量幾多，仲配有青瓜🥒，車厘茄🍅
沙律菜唔算最新鮮果種，不過都幾爽脆
雞胸用鹽醃過，鹽同黑椒味都落到去雞胸，肉質算唔錯，唔會太"鞋"口
推介指數：8/10
==========
同朋友坐到8點半左右，店員唔知我地未走所以熄左燈，之後發現我地未走都好客氣咁同我地講原來佢地當晚收得早😮
不過佢都唔介意我地繼續坐，咁當然我地都唔想阻人收工，所以食埋都走了🫠
整體用餐體驗尚可，未算非常驚喜，食物質素算唔錯😝
Post
