Coti (沙咀道)

Open Now

Now Closed

成日去荃灣都係食路德圍，雖然好多野食，但已經食到厭！今日行去行左南豐紗廠，決定喺呢頭附近搵吓有乜好食，網上面見到呢間都係幾高推介！🍵抹茶鮮奶：口感豐富，抹茶味濃厚，唔會好甜，飲完都唔覺罪疚☕️天然蜂巢咖啡：佢地好細心將咖啡奶同蜜糖都分開，因為奶同咖啡都係熱，如果太早加蜜糖，飲起嚟會變酸，諗得非常之抽到！🍛烤慢煮豬肋排配飯：豬肋排啖啖肉，配上烤汁非常惹味！本身唔鍾意食飯嘅我，都將所有飯食晒！🐟蒲燒鰻魚滑蛋飯：啲蛋仲可以好嫩滑，配上紫菜同鰻魚汁，好好味！而且呢條鰻魚都好大條，又好夠厚身，非常之滿足！對我黎講，最重要係價錢方面好合理，環境又舒適，會再去嘅餐廳！